LOUTAO 97
97
Ramai hai Dukayu Kho-apeio Nasüe
1 Mapao nou veo nasüe! Deiphao, asalo!
Zai dzü nou sühao buyu teideitao, lesa loukhaio!
2Teihao ae azhi sünou puhye sühao-a nou bue;
puhnou acheche ae kaozü sünou khasa-a hrüpeie.
3Mei nou puh nghoujü hinou tawe,
ae puhye ngaobayu maitaoye sü deitha peie.
4Puhvei tei peivavayu nasünou deiphao sü phuva peie;
deiphao nou süsü ngaolou khaie, ngaopi-a nguwe.
5Deichitao hai Mapao vei nghoujü hinou dzü vita-a baiwe,
teideiphao teitei pei hi Mapao vei nghoujü nou dzü data-a baiwe.
6Puhvei acheche nasü raki nou shapaowe,
ae tyahrü hrülai nou puhvei khouko ava nasü ngao-e.
7Bashara thoyu mai hrülaiye sü hraongu soupeilai;
Mapao ye sü rah veishi nou nakou khurülai.
8Oh Mapaowo, nenou chidei soupeiyu donou,
Zion hi buyu mai hrülai nou lesa-a bue,
ae Judah nuhdutao hi hrüa buyu mai hrülai nou asasho-a bure.
9Khoukhoulai Mapao, nenou teideiphao veishi pei hi kukayu nasüe;
ne hai rahtao teitei jünou dukayu nasüe.
10Hashi taoye ngaorayu maiye sü Mapao nou leshi-e;#97.10 Haibüyu phae Hashi taoye ngaorayu maiye sü Mapao nou leshi-e; Hebrew Mapao ye leshi-a buyu maitao, hashi nasü ngaoralo.
puhnou puhvei maitaoye sü khopeiwe;
puhnou puletaoye maishi mai bah hinou vupa peie.
11Acheche maiye sü ava sünou phupeiwe,
ae mai aveih maiye sü savayu peie.
12Achehe hinou hrüyu mai hrülai,
Mapao vei zhih hinou asalo!
Sheeyu Ramai nou soupeikhai touyu vah
khesü licholoua puhye kalo paopeikhaio.
Currently Selected:
LOUTAO 97: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
