LOUTAO 99
99
Ramai nou Dukayu Veo Nasüe
1 Mapao nou veo süe,
mai hrülaiye panou pingua bulo.
Puh hai shouh pfüyu khaona phao vanou puhvei vebuh hisü bue,
ae deiphao sü panou ngulü khaio.
2 Mapao hai Zion hinou dusho-a nou bue;
puhnou mai hrülai pei hi dukayu nasüe.
3Mai hrülaiye panou puhvei aduso ae zhih aveih nasü paosholo.
Sheeyu nasü puh baie!
4Khouko buyu veo, acheche nasü nenou leshi-e;
nenou Israel mai hi kaozü nasü soushu peie;
nenou acheche ae kaozü nasü pove peie.
5Etao Ramai Mapao ye paosholo;
puhye tave puhvei vebuh hinou tholo!
Sheeyu nasü puh baie!
6Moses ae Aaron hai puhvei napao-e,
ae Samuel hai puh hi veachi paoyu mai ali-e;
puletao nou Mapao ye kue, ae puhnou puletaoye sü chila peie.
7Teihao vei deka hisü nou puhnou puletaoye sü cha peie;
puhnou peikhai touyu chikhatao ae kharochi khesü puletao nou züpeie.
8Oh Mapaowo, Etao Ramai, nenou nevei maitaoye sü chila peie;
puletao nou mahmo souyu donou nenou puletaoye tudee peia buyuma,
nenou puletao hisü ne hai khaipeiyu Ramai nasüe touyu ngaopeie.
9Etao Ramai Mapao ye sü paosholo,
ae puhye sheeyu deichi hinou tholo!
Eletao Ramai Mapao hai sheewe.
Currently Selected:
LOUTAO 99: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
