LOUTAO 96
96
Ramai hai Dukayu Veo Nasüe
(1 Puo 16.23-33)
1 Mapao ye lou ashu sünou sousho peikhaio!
Deiphao mai hrülai, Mapao ye lou sousholo!
2 Mapao ye lou sousho khaio, ae puhye paosholo!
Puhnou Etaoye khailupa peiyu ko aveih nasü teisa nou shapao peikhaio.
3Puhvei kathe nasü tyahrütao hi paopeio,
puhvei khupayu vah khesü mai hrülai hi shapao peio.
4 Mapao hai due, puhye soutaosoua paosho züe;
puhye rah kukhe jünou tsükhoupu züe.
5Tyahrü kukhe vei rah khesü bashara baie,
ana Mapao nou teideiphao sü soupeie.
6Tsükhouyu ae kathe sü puh hi bue;
khouko ae hüveiyu nasü puhvei Rathoki hi bue.
7Deiphao mai hrülai Mapao ye paosholo;
puhvei khouko ae kathe nasü paosho khaio.
8 Mapao vei zhih aveih nasü paosholo;
puhvei Rathoki hisü posheela na khesü pove peio.
9Deiphao mai hrülai, Amasheeo ye ngaoyu phaki puhye nakou khurülo;
puh nghoujü hinou ngaopi-a ngua bulo!
10Tyahrü hrülai hisü haibüa paopeio, “Mapao hai veo süe!
Deiphao hai veisho-a soukhai peiwure, hainasü soulülou hore;
puhnou deiphao maiye kaozü hinou chiku peilai.”
11Raki ae deiphao sü panou asalo!
Zai ae sühi buyu hrikhaona veishi, shura soukhaio;
12dou ae sühinou buyuna veishi panou asalo!
Vaobvü hi buyu süübe khenou asah soua shalai
13 Mapao nou deiphao hi ve khasa-a hrülaiyu phaki.
Puhnou deiphao maiye kaozü hinou ae acheche hinou khasa-a hrüpeilai.
Currently Selected:
LOUTAO 96: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
