LOUTAO 95
95
Paoshoyu Lou
1Tavelo, Etao Mapao ye paosholai!
Etaoye vupa-apeio Ramai hi asah soua lou sousho laikhe!
2Eletao puh nghoujü hi kalo pao-a velaikhe,
ae asayu lou nou puhye sousho laishe.
3Daiolouzü Mapao hai khouko pfüshoyu Ramai-e,
ramai hrülai pei dukayu veo nasüe.
4Puhnou deiphao veishi thoukayu deibvü hinou poa kukayu deichi hi khete khasa-a bue.
5Zai hai puhvei-e, daiolouzü haisü puhnou soupeie;
ae puhnou dei hai-a soupeie.
6Tavelo, Etao puhye nakou khurüloua tho laikhe;
Etaoye Sou-apeio Mapao nghoujü nou Eletao khoukhü loulai she!
7Daiolouzü puh hai Etao vei Ramai-e;
Etao hai puhnou pouto aveih hinou kiko peia buyu maitao-e,
ae puh bah hinou buyu zhaotutao-e.
Puhnou zhou Etao hi daitea paowe keilou laikhe:
8“Neletao vei puopaoh maitao nou Merribah hinou,
ae Massah touyu radeiki hinou rochiyu büa neletao louzü rochiso.
9Enou puletaoye donou soupfü peikhai touyu vah khesü puletao nou ngao-a bulukhu,
buh sühi sünou puletao nou Eye kabü laisa tea zhure.
10Po raidai hai Enou puletao vei khaphao nasü ngaoshi shore.
Enou paoe, ‘Puletao hai daizhou koute chilee more sarou!
Puletao nou avei chikha khesü zübare.’
11Enou rarou loua haibüa chaachou souwure:
‘Enou neletaoye panou sochao loure donou peikhai touyu teidei hisü
neletaoye panou taloukhai toulai moe.’ ”
Currently Selected:
LOUTAO 95: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
