LOUTAO 84
84
Ramai vei Ki Naye Ngaothaiyu
1Ki paopu soua buyu Mapao,
nevei Rathoki hai daizhou koute veisarou!
2Enou sühi buyu hai jüpa sho-e!
Enou Mapao vei Rathoki hi dukinou ve bulaisa tea nou thainüa zhia bue.
Avei tsüle ae hrümai veishi nou sasho-a hriyu Ramai hi lou soushowe.
3Khoukhoulai Mapao, apuo veo ae avei Ramai,
khaitu ae taitu koute-a nevei ki hinou phe soua bue,
puletao vei toutu hai nevei posheelabu nghia nou khaikhaitoue.
4Nevei Rathoki hinou bua teisa nou neye soushoyu lou soua buyu maitao hai daizhou koute sava sarou!
5Ne hinou khouko ngaolouyu maitao,
ae puletao vei tsüle hinou Zion Deichi vanou tave ratho nüyu maitao hai daizhou koute vasayu maitaosa!
6Puletao nou Baka deikho tachopoa kouyu phaki,
sühisü dzüla payu buh ali soure;
dzükhao khesü kaki-a teirü rükou phoutao loure.
7Puletao nou tapo koukhaie khouko ngaopu lailai pare,
ramaitao vei Ramai nasü puletao nou Zion hinou ngaoloulai.
8Khoukhoulai Ramai Mapao, avei veachi sü keipeio.
Avei akho nasü kei peio, Oh Jakob vei Ramai.
9Oh Ramai, nenou dolouyu Etao vei veoye sü shiha peio.
10Nevei Rathaoki hinou teithe ali buyu hai buh kukhe hinou teithe theli buyu jünou veipu hie.
Mai ashi maivei ki hinou hrüa bulaijüo avei Ramai ki hi taloure rokhubomü hinou la-a buyu hai-a veipu hie.
11Daiolouzü Ramai Mapao hai Etaoye vupa-apeio
ae kathe bushoyu veo nasüe,
puhnou Etaoye zhuvea peie ae tsükhouyu nasü peie.
Acheche hinou hrüyu maiye sü puhnou haveih khesü peiba chamoe.
12Khoukhoulai Mapaowo, neye loucheyu mai sü daizhou koute sava sarou!
Currently Selected:
LOUTAO 84: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
