LOUTAO 82
82
Kaozü nasü Soupeio tea Khoyu
1Ramai nou puhvei chikuyu buh
hinou buloua ramaitao nou vejüa buyu hrohinou puhnou puhvei chidei nasü peie:
2“Neletao nou cheche moa chidei peiyu nasü bailo;
mai ashi maiye phaobo peia souku peiyu khesü soupu khaiso!
3Lülou homai ae pfüpuo hayu mai hi kaozü nasü soupeio,
ae touha-a veaho laiyu maivei kaozü nasü kho peio.
4Puletaoye mai ashi mai bah hinou vupa peio.
5“Neletao hai daizhou koute tsüha-a nou vo sarou!
Neletao mai hrülai nou shitakhai toure,
ae teideiphao hisü kaozü ae acheche nasü hatare.
6Enou paowe, ‘Neletao hai ramaitao-e,
Kukulai hi Abuo vei nahmaitao-e.’
7Ana neletao hai mai büa thai ta-a bailai,
neletao vei hümamai hai veo nahpoutu maitao büa akhai soulai.”
8Oh Ramai, tave deiphao sü khasa-a hrüpeio,
deiphao hi tyahrü veishi sü nevei baie.
Currently Selected:
LOUTAO 82: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
