LOUTAO 81
81
Nüh Nüyu Lou
1Etaoye vupa-apeio Ramai hi shusoua lou soukhaio;
Jakob vei Ramai hi lou sousho khaio.
2Lou soupa peikhaio ae beibei sü dapei khaio;
kho keiveih shopoa nou lana ae gaigou sü kapei khaio.
3Khouh ngaorai hi ae khouh toutsü ngaoyu phaki,
khonüh nüre donou shabe sü nghoupa peikhaio.
4Haibüa soure sü Israel maivei chikha hi bue;
ae Jakob vei Ramai nou kharochi peikhai toue.
5Puhnou Ejipt maiye duyu phaki,
Israel mai hi haibüa soupfülo tea kharochi peikhai toue.
Enou raichoki sükhai toumoyu pai ali haibüa choue:
6“Neletao phaova nou sühshoa pfüyu koupo nasü Enou haokou peiwure;
neletao bah hinou veasho-a polaiyu naichuh khesü
Enou neletaoye panou popu khailai more.
7Neletao nou veaho-a buyu phaki, neletao nou Eye ku-e,
ae Enou neletaoye sü khailupa peie.
Enou teikhai teirü ashi hinou tutsüa buyu buh hinou neletao vei akho nasü chila peie.
Enou dzüla payu Meribah hinou neletaoye kabü laisa tea zhai zhu-e.
8Avei maitaore, Enou paopi peiyu khesü keinoulo;
Oh Israel maitaore, neletao nou avei chi kei peilouzü, E lesa sholai!
9Neletao hai rah kukheye thokhai tiso.
10Neletaoye Ejipt teidei hinou sapa peiyu Ramai Mapao nasü E baie.
Enou neletaoye sü kiko peilai.
11“Ana avei maitao hai achi kei bare.
Israel maitao hai achi zübare.
12Südonou Enou puletaoye sü panou lah rochishoa tanüyu hisü tare,
ae puletao nou soupfü nüyu vah khesü panou soutare.
13Avei maitao nou achi zülouyu thaio;
ae Israel mainou paochi zülouyu thaio E hai daizhou koute lesa laisa!
14Enou thashoa puletaoye ngaobayu maitaoye sü hraongu soupeilai,
ae puletaoye hrai-a buyu maitaoye sü soukanghi khaipei-a bailai.
15Eye ngaora-a buyu maitaoye sü panou Eye ngaopi-a khurüa bailai,
puletaoye sü panou teisa nou hraongu ngao-a bua bailai.
16Ana Enou neletaoye sü thoudzü veikayu tyanou peilai,
ae neletaoye rekou nou buyu laivoudzü nou pa toua rukha-a bubailai.”
Currently Selected:
LOUTAO 81: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
