LOUTAO 8
8
Ramai vei Khouko Ava ae Emai vei Khekai
1Oh Mapaowo, Etao vei Mapaowo,
nevei adu aso sü teideiphao teitei hinou ngaowe!
neye paoshoyu hai raki hi khetere;
2nahtoumai alia nao-a buyu napumai mü hinou neye lou sou showe.
Newo ngaobamai hinou kaozhou shiyu hae;
neye duyu mai taralia nenou soukhaikou baiwe.
3Nenou soukhai touyu teikou Enou zhuyu phaki,
lahkuku vei buh hi souposhu khaitouyu khouh ae teivutao zhuyu phaki—
4nenou licho peiyu ae nenou soutaosou lüpei-a buyu;
Emaitou sü daige?
5Anou nenou puhye sü lah ne likheithe jünou khai-a soupeie;
nenou puhye sü khouko ava ae khuhao nou peirü soua rüpeie.
6Puhye panou ne basha veishi pei khowo soure donou nenou puhye sü dopapeie;
nenou puhye ne basha teitei pei hi khore donou pokhai peie:
7zhaotu ae nghitu, alia rekhaona hrülai;
8tei hi raohou ae khatao,
alia zai hi buyu hrikhaona teitei pei hi panou khore donou soupeie.
9Oh Mapao. Etao vei Mapao,
teideiphao veishi nou nevei aduso nasü ngaore!
Currently Selected:
LOUTAO 8: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
