LOUTAO 75
75
Chiku-apeio Ramai
1Etao nou ne kalo paowe,
Oh Ramai, Etao nou neye kalo paowe!
Etao nou nevei aduso nasü shapaowe,
ae nenou khupayu vah haso soukhai touyu khesü Etao nou paowe.
2Ramai nou paoe, “Enou chikure teile sü dadewure,
ae kaozü hinou Enou chi sü kupeilai.
3Hrikhaona veishi nou ngaopi-a buyuma,
ae teideiphao hai lüa buyuma,
Enou süna soushukhai touyu beikhei nasü soutsü shoa khaipei khaitoue.
4Enou mai ashi maitao hisü rochipu khaiso tea paopeie,
5ae puletao hisü khaophu soupu khaiso tea paopeiwure.”
6Soudusho peiyu nasü teinghi palova moa teinghi loulova nou,
moyuma reilova nou, moyuma khelo vanou ve moe;
7ana Ramai nou chilou sü kupeia baie,
puhnou kamai-a ponakou peie, ae kamai-a polashu peie.
8 Mapao nou puhvei lekha rarou nou phoupoa buyu darkha zhaoh pai ali hai puh bah hinou poa bue.
Puhnou sünasü lakou peie, ae mai ashi mai hrülai nou ke loure;
puletao nou paitei akhai hi koute hai ke khailoure.
9Ana Enou teisa nou asah soupoa nou Jakob vei Ramai ye sü lou sousholai.
10Puhnou mai ashi maivei khouko khesü souha laiwulai,
ana mai aveih maivei khouko sü pulailai khelai.
Currently Selected:
LOUTAO 75: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
