LOUTAO 67
67
Kalo Paoyu Lou
1Oh Ramai, Etaoye zhuvea peio ae Etaoye shiha peio;
Etaoye leshi zhuveayu hinou zhupeio,
2sükulouzü deiphao mai hrülai nou nevei leli nasü süloulai,
tyahrü hrülai nou nevei khailu peiyu nasü süngao loulai.
3Oh Ramai, maikhe maiye panou neye paosholo;
mai hrülaiye panou neye paosholo!
4Tyahrütaoye sü panou lesalo ae savayu lou sü panou soukhaio,
daiolouzü nenou maikhe maiye sü kaozü hinou chilou sü kupeiwe,
ae deiphao hi tyahrü veishi sü nenou kiko peiwe.
5Oh Ramai, maikhe maiye panou neye paosholo;
mai hrülaiye panou neye paosholo!
6Teidei sünou shinamara hai veisho-a nou shishi peie;
Oh Ramai, Etao vei Ramai, Etaoye shiha peio.
7Ramai nou Etaoye ha peie,
deiphao mai hrülaiye panou puhye sü tsükhoulo.
Currently Selected:
LOUTAO 67: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
