LOUTAO 65
65
Paoshoyu ae Kalo Paoyu
1Oh Ramai, Eletao nou neye sü Zion hinou paosho züe,
ae Etao nou apaokhai touyu nasü ne hi soupeilai,
2daiolouzü nenou Etao vei veachi sü keinou peie.
Deiphao mai hrülai nou ne hi velai.
3Etao vei mahmo sünou Etaoye sü soungu khaiwure,
ana nenou Etao vei mah khesü khaipeie.
4Nenou dopa louyu maitao, ae nevei sheeyu ki hinou pa hrüre donou save peiyu maitao hai vasayu maitaore.
Nevei ki hi veisho-a buyu natao donou ae nevei sheeyu Rathoki hi shihatao donou Etao hai rukha-a nou hrülai.
5Nenou Etaoye khupayu vah haso nou souposhu Etao vei veachi khesü keinou peie.
Deiphao mai hrülai, ae zaidu jünou la-a buyu mai hrülai nou neye sü louchewe.
6Nevei pfüchi sünou deichi khesü soushu peie,
sübüa nevei khouko nasü soungao peie.
7Nenou zai dzü rayu kho sü souna peie,
ae zaidzü nghouyu nasü soukaona khaipeie;
maikhe mainou shura soua buyu nasü soukaona peie.
8Nenou vah haso aduli soupeiyu donou deiphao mai hrülai sü khupa soua nou bure.
Nenou soupfü khai touyu vahtao nou deiphao akhai hinou poa alilova koute hai shusoua savayu nasü pove peie.
9Nenou deiphao hai sü zhupoa nou dzü züpeie,
nenou hai nasü southou veisho khaipeie.
Nenou rei khesü dzü southou phoutao peie,
ae maikhe maiye thoudzü peie.
Nenou haibüa nou souda khaipeie:
10nenou dou hisü teirü koupeia panou dzü deloue,
ae deinai khesü panou püloua shinamara khesü paopa loue.
11Nenou chamou khesü panou veisho-a nou chachi loue.
Nenou tayu buh teitei hisü panou phoutaoyu sü ngaoloue.
12Deiphao veishi hisü kikhaorü nou phoutao-a khaipeie,
deichi pehao teitei hisü savayu sünou phoukha khaipeie.
13Doutao hisü zhaotu khenou phoutao poa nou bue,
deikho teitei hisü shinamara nou phoutao poa nou bue.
Hateitei nou shusou poa nou asasho-a lou soua bue.
Currently Selected:
LOUTAO 65: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
