LOUTAO 64
64
Vupa Peire donou Veachi Paoyu
1Oh Ramai, Esü veahoshoa nou bure, avei veachi sü kei peio!
Ewo ngaobayu maitaoye pi sho-a nou bure, avei hrümai sü khailupa peio!
2Mai ashi maivei shodo ashi hisünou
ae puletao vei zhaipou shiyu hinou Eye vupa peio.
3Puletao hai puletao vei mali sü khoche mü thaiyu büa thaiwe,
ae chipao lako ashi sünou voulouthou büa maiye kavuwe.
4Puletao hai hraoyu hazei tea nou dayu chi khesü thasho-a nou paola poa ta-a baiwe;
puletao nou mai aveih maiye sü thailo nou dahühüloua soushi pei baiwe.
5Puletao hai vah ashi soure donou mai ali nou aliye sü süpeiwe;
puletao hai kheikhei soua sho-rü southoure donou chi phawe,
ae “Mai linoua süsü ngaolou hoe,” tea puletao nou tsüchowe.
6Puletao nou shodo ashi soure donou tsüchoda lou nou paoe,
“Etao nou shodo ashi soure nasü soutaosoua tsücho daloua nou soukhaiwure.”
Mai vei tsüle hai mai linoua süve ngaove telou hoe.
7Ana Ramai nou puletaoye sü voulouthou sünou kavu peilai,
ae sükhai moa puletao hai zhiloua bailai.
8Puletao vei chipao vanou Ramai nou puletaoye souha bailai,
puletaoye ngaolouyu mai hrülai nou puletao vei pei sü ngulai.
9Süthaisü mai hrülai nou ngaopilai;
Ramai nou soupfüyu vah hasotao sü puletao nou tsücholai,
ae puhvei vah khesü puletao nou paotalai.
10 Mapao nou soupeikhai touyu vahtao donou acheche mai hrülai nou asalai.
Puh hinou puletao hai tave bailoulai;
ae mai veih mai hrülai nou puhye paosholai.
Currently Selected:
LOUTAO 64: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
