LOUTAO 63
63
Ramai ye Thainüa Buyu
1Oh Ramai, ne hai avei Ramaie,
Enou neye thainüa bue.
Avei pfüphao teitei nou neye sü jüpa sho bue;
dzü lia ha-a nou thekei tea peko vaivai-a buyu dei ali büa avei rako sünou neye reihsho-a nou bue.
2Nevei dusoyu ae khouko ava nasü daizhou koute bue touyu sü nevei sheeyu ki hinou Eye panou ngaolo.
3Nevei tobai soumoa zhuvea leshi peiyu na hai hrümai jünoua veipu hie,
südonou Enou neye sü paosholai.
4Enou hria buki sasü ne hi kalo pao-a bulai,
abah lapoa nou ne hi veachi paolai.
5Khonüh nüyu büa avei rako sü rukhasho-a nou bulai,
ae asah souyu lou khesü Enou neye sou sholai.
6Enou züphao hinou dazüa buyu phaki, neye sü licho-a nou bue;
kheimathe Enou neye tsücho-a nou bue,
7daiolouzü nenou Eye sü teisa nou soukha peie.
Nevei shou khevai nou Enou asayu lou soua bulai.
8Enou neye sü taotei poa nou bue,
ae ne bah nou Eye sü pailashu peie.
9Eye southalai tea te-a laiyu maitao hai athai maivei teidei hisü hota bailai.
10Puletao hai soureih souyu hinou thai bailai,
ae puletao vei pfüphao sü rekhaona nou touloua bailai.
11Ana veo louzü veiloyu donou Ramai zhih hinou salai.
Ramai vei zhih hinou chaachou soukhai touyu mai hrülai nou puhye sü paosholai,
ana dahrührüa buyu maitao mü louzü soumu khaiwulai.
Currently Selected:
LOUTAO 63: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
