LOUTAO 62
62
Ramai nou Khopeiyu hi Loucheyu
1Enou soutaosou heamea poa nou Ramai ye sü kho-e,
Eye khailu peiyu sü puh hinou ve-e.
2Eye kho peire ae khailupa peire pusü puh likhei baie;
Puhnou Eye mou-lüpoa vupa peilai,
südonou Esü hraongu daokhailai moe.
3Pepo tayu kivo ae latayu bokha ali büa buyu mai aliye teile kasho-a neletao nou soushi peire donou dua bukou laige?
4Neletao nou puhye sü tsükhouyu buh hinou pokou peiyu likhei jüpa-a bubaie,
neletao hai darua laiyu nasü jüpa shoe.
Neletao mü hiolouzü shiha peiyu chipao khesü paowe,
ana lekhevai-o chaa pei baiwe.
5Enou Ramai hi likhei vuzhia bubaie;
avei areih nasü puh baie.
6Eye kho peire ae khailupa peire nasü puh likhei baie;
puhnou Eye moulüpoa vupa peilai,
südonou Esü hraongu ngaokhailai moe.
7Eye khailupa peire ae avei khekai nasü Ramai bah hi bue;
Ramai hai avei chuhdu nasüe;
ae veisho-a buyu avei baibue.
8Oh avei maitaore, teile veishi hinou Ramai ye louchelo.
Neletao vei veahoyu teitei sü puh hi paongao khaio,
daiolouzü Etao vei baibu nasü puh baie.
9Emai touhai teikhai hüphou teanou veyu ali bütoua baie;
aduso mai-a hazho tilia moe.
Tai-du sümoa sühdou hinou polou douyu phaki puletao mai hrülai hai teikhai jünou thapu hie.
10Züvei-a vah ashi souyu donou veiloulai touyu nasü loucheso,
maivei shaotou shaosoyu vanou vasayu sü ngaolou süe tea areih buso.
Nenou hangi pare touyuma nevei kini hisü nevei tsüle khaiso.
11Ramai nou haibüa paoyu Enou vu ali jünou la-a nou choure,
süolouzü khouko veishi hai Ramai hi bue,
12ae tobai soumoa zhuvea leshi peiyu nasü puh baie.
Oh Mapaowo, maikhe mainou soupfüyu vah thaifüa nenou puletaoye sü buu peio.
Currently Selected:
LOUTAO 62: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
