LOUTAO 61
61
Vupa Peire donou Veachi Paoyu
1Oh Ramai, Enou krayu apai sü chou peio,
Enou veachi paoyu sü keinou peio!
2Veahosho-a buyu hinou ae aki hinou ka doushoa buyu buh hisünou Enou neye kuwe!
Eye panou kaozhou vei-a bailoure buh ali hi save khai peio,
3daiolouzü Eye kho-apeio nasü ne baie,
ae ngaoba maitao bah hinou vupa peire nasü ne baie.
4Eye panou teisa nou nevei sheeyu ki hi bulo;
nevei shou khenou Eye panou kaona-a bailouyu sü soupeio.
5Oh Ramai, Enou ne hi apaokhai touyu khesü nenou süwe,
ae neye tsükhou-a buyu maitao vei kikaa khesü nenou Eye peie.
6Veo vei hrümai sü po taoli thoupu peio,
puhye panou hrü shoshoa hrüyu sü soupeio!
7Oh Ramai, puhye panou teisa nou ne nghoujü nou vebuh hi bulo;
ae puhye sü nevei tobai soumoa leshi peiyu ae nevei acheche nou kho peiyu sü soupeio.
8Sübüa Enou neye teisa nou lou sousholai,
ae Enou apaokhai touyu thaifüa neye sü Enou teisa nou posheela peilai.
Currently Selected:
LOUTAO 61: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
