LOUTAO 60
60
Vupa Peio tea Veachi Paoyu
1Oh Ramai, nenou Etaoye sü malaiwure,
ae Etaoye sü hraongu soupeiwure;
nenou Etao pei hi lekha rarou loure,
ana chuo Etao hi dakhai vepeio.
2Nenou deiphao sü ngulüre, ae nenou hainasü souphepho khaipeire;
chuo tave pepo-a buyu nasü soumu souvei peio,
daiolouzü hainasü dehata laire.
3Nenou nevei maitaoye alaosou souvea peie;
nenou Etaoye sü panou zhaoh sozhi-a laiyu maili büa chaorara tare.
4Neye tsükhoua buyu maitaoye sü panou hakatayu hinou tureipa loure donou nenou puletao hisü paopi peie.
5Nevei khouko sünou Etaoye khailupa peio;
nenou leshi-a buyu maitaoye sü panou turei paloure donou Etao vei veachi sü keinou peio.
6Ramai nou puhvei sheeyu buh hinou haibüa paoe,
“Veilouyu hisünou Enou Shekem nuhdu nasü delaiwulai,
ae Sukhoth deikho nasü avei maitao hi zhipeilai.
7Gilead hai avei baie, ae Manassah haina-a avei baie;
Ephraim hai avei peirüe ae Judah hai avei süüpo-e.
8Moab hai Enou poa dzükhüyu reikhao nasüe,
Edom hai avei baie touyu shee soungaore donou avei phikha khailai.
Philistin teidei hinou Enou veilou ngalouyu nasü shapaolai.”
9Oh Ramai, thaonou Eye veisho-a soukhai touyu nuhdu hisü save peilaige?
Thaonou Eye Edom hi sapoa vepeilaige?
10Nenou Etaoye sü malai chekhao revu?
Ne Etao vei soureih maitaoye koa tapu peilai modou?
11Ngaoba maitaoye duloure donou Etaoye soukha peio,
daiolouzü deiphao maivei soukha peiyu haiolouzü hamako baie.
12Ramai nou Etaoye kozho peiyu thaio Etao nou kolou süe,
puhnou Etaoye ngaobayu maitaoye sü soukanghi peilai.
Currently Selected:
LOUTAO 60: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
