LOUTAO 57
57
Soukha Khoyu Veachi
1Eye zhuvea peio, Oh Ramai, Eye zhuvea peio,
daiolouzü Enou ne hinou tave bai loure donou vewe.
Teikhai teirü ashi chemo koute Enou nevei shouh khe hinou baichao loulai.
2Enou khoyu veishi peiche khoyu Ramai,
Kukulai hi Abuo Ramai ye Enou kuwe.
3Puhnou raki vanou chila sü peilai ae Eye khailu peilai.
Eye souvea souchoroyu maitaoye sü puhnou hraongu soupeilai.
Ramai nou puhvei tobai soumoa leshi peiyu ae chilee checheyu nasü Eye ngaopeilai.
4Eye sü ngaobayu maitao nou sühao loure,
puletao hai maisou touyu khaosouveo raiwe.
Puletao vei huh hai heung ae voulouthou büwe,
ae puletao vei mali hai hei veishoyu khoche raibütoue.
5Oh Ramai, nevei aduso nasü raki vanou ngaopei khaio,
ae nevei aveih ava nasü deiphao hi pongao peikhaio.
6Ngaobayu maitao nou Eye nüloure donou shorü southoua bure,
E veaho sho-a nou bu baire.
Eye panou deloure donou avei ludu hisü puletao nou deibvü raokhai peie,
ana deibvü hisü lah puletao nou delou tare.
7Oh Ramai, avei tsüle teitei nou pei-a neye louchewe,
Enou lou soulai ae neye paosholai.
8Arako, tashulo!
Tashulo, poa lou souyu avei basei natao,
Enou teithepa laiyu phaki kaishu peilai.
9Oh Mapaowo, Enou nevei kalo sü tyahrütao hi paongaolai.
Enou mai hrohinou neye paosholai.
10Daiolouzü nevei tobai soumoa leshi peiyu hai raki hi khere,
ae nevei chilee checheyu hai teihao pei hi khere.
11Oh Ramai, nevei aduso sü ratei hinou paongao peikhaio,
ae nevei kathe nasü deiphao hi ngaopei khaio.
Currently Selected:
LOUTAO 57: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
