LOUTAO 54
54
Ngaobayu Maitao hinou Vupa peio tea Veachi Paoyu
1Oh Ramai, ne zhih hinou Eye khailupa peio;
nevei khouko sünou Eye lahdo soupeio!
2Oh Ramai, avei veachi sü keipeio,
avei chipao khesü keinou peio!
3Daiolouzü khaophu souyu maitao nou Eye dulai tea laire.
Zhaipou shiyu maitao nou Eye southalai tea bure—
puletao hai Ramai buhie tea tsücho moe.
4Ana Ramai hai Eye soukha-apeio nasüe.
Mapao hai Eye vupa-apeio nasüe.
5Eye ngaobayu maitaoye sü Ramai panou puletao vei ashi paoh sü kha peitheo.
Puh hai checheyu donou puletaoye sü souha peilai.
6Oh Mapaowo, Enou neye sü asah soua posheela peilai;
Enou ne hi kalo paolai daiolouzü ne hai veishoe.
7Enou veahoa buyu teitei hinou nenou Eye vupa peie,
ae Eye ngaoba-a buyu maitao hai haka tayu sü Enou ngaoe.
Currently Selected:
LOUTAO 54: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
