LOUTAO 53
53
Deiphao Maivei Ashi
1Voyu mai nou lah puletao hisü
“Ramai ha-e” tea paowe.
Puletao hai hrü ashi hinou hrüa bure,
ae ngaorayu vah haso khesü soupfüre;
vah aveih souyu mai ali-a hazeire.
2Ramai nou deiphao maiye raki vanou zhukou tsü veiyu mai aliro buhasa ae puhye thoyu mai ali-a buho mosa tea zhuwe.
3Ana puletao mai hrülai sü kaodu takhaire;
puletao mai veishi nou shitakhai toure.
Vah aveih souyu mai ali koute-a hazei toure.
4Ramai nou noue, Vah ashi soua laiyu maitao hai puletao hi tsüdo aveih hare touyu sümoho?
Puletao hai avei maitao hinou shaotou shaoso-a bubaire,
ae ahi puletao nou veachi paokhai moe.
5Ana puletao hisü raichoki ve daokhai moyu ngaopi khesü velai,
daiolouzü Ramai nou puhvei maitaoye ngaobayu maitao vei rao khesü porarou laiwulai.
Ramai nou puletaoye sü laiwure,
südonou Israel mainou puletaoye sü soungu peilai.
6Israel maiye khailupa peire nasü Zion hinou velai!
Ramai nou Israel maiye savayu sü peida khaiyu phaki puletao hai daizhou koute asa laisa!
Currently Selected:
LOUTAO 53: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
