LOUTAO 48
48
Zion, Ramai vei Nuhdu
1 Mapao hai dusho-e, puhye sü puhvei sheeyu deichi,
ae Etao Ramai vei nuhdu hinou paosho züe.
2Ramai vei deichi, Zion hai kushoe ae hüveih shoe,
dusoyu veo vei nuhdu haina nou deiphao mai hrülai hisü savayu hai pove peiwe.
3Nuhdu sükhevai hai Ramai ye koa buyu thaio kaozhou vei bailai touyu sü puhnou soungao peie.
4Veo maitao nou tave me zholoua nou Zion Deichi hisü reih soulai tea veloue.
5Ana puletao nou tave hainaye ngaolouyu phaki, puletao hai khupare;
puletao hai ngaopiloua tudakhai tare.
6Puletao hai ngaopi sho-a nou ngurürüre,
ae naotumai nou nah nalaiyu phaki khya souyu büa soure,
7ae teikhai teirü ashi sünou dzülukiye hüve shoyu büa shore.
8Etao nou Ramai vei vah haso khesü chouyu büa chuo Khoukhoulai Mapao, Etao Ramai nou nuhdu hinou soupfüyu vah khesü Etao vei nghithou nou ngaoloure.
Nuhdu nasü puhnou teisa panou kaozhou vei bua bailai.
9Oh Ramai, nevei Rathoki hinou Etao nou nevei tobai soumoa leshi peiyu nasü lichowe.
10Buh veishi hinou neye sü maikhe mainou paoshowe,
ae nevei kathe hai deiphao teitei hi süve khaire.
11Zion hi maikheye sü panou asalo!
Nenou acheche hinou chilou khesü kupeie,
Judah hi nuhdu khesü panou savalo!
12Ramai vei maitaore, Zion sü tasühao poa kipeitaoh khesü phoukhaio;
13sühi kivo khesü kabüa bue touyu shilo,
ae kaopo pokhai toyu khesü zhutoulo,
sübüa bonakha hi sütao hai kakua bue touyu khesü paongao peio:
14“Ramai haina hai teisa nou Etao vei Ramai nasü soulai;
vere teile veishi hia puhnou Etaoye süthaisa-a tapeilai.”
Currently Selected:
LOUTAO 48: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
