LOUTAO 47
47
Dusho kayu Kho-apeio
1Deiphao mai hrülai, asah soua bah taokhaio!
Shusoua lou soua nou Ramai ye paosholo!
2Kukulaiwo Mapao ye sü ngaopilo;
puh hai dukayu veo nasüe,
puhnou teideiphao veishi pei hinou khasa-a bue.
3Puhnou Etaoye mai kukhe jünou kolouyu nasü peie,
ae puhnou tyahrütaoye Etao vei khakhe hi khaipeie.
4Etao nou hrüa buyu teidei hainasü puhnou Etaoye donou dopa khaipeie,
puhnou leshiyu puhvei maitaoye panou khekai souloure donou peie.
5Ramai nou puhvei vebuh hisü takhe buloure.
Mapao nou takheyu phaki asayu nou shurao soupoa ae shabe nghoupoa nou khe-e.
6Ramai ye sü lou nou sousho khaio,
Etao vei veoye lou sousho khaio.
7Ramai nou teideiphao teitei pei hi veo nasüe,
puhye sü lou nou sousholo!
8Ramai hai puhvei sheeyu vebuh hinou bue;
puhnou tyahrü hrülai pei hinou khasa-a nou bue.
9Tyahrütao vei veo nahpoutu maitao hai tave Abraham Ramai vei maitaoye koa jüa bure.
Puh hai deiphao hi reihmaitao veishi jünou khouko bupu hie,
puhye sü pokusho khe khaipeie.
Currently Selected:
LOUTAO 47: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
