LOUTAO 46
46
Ramai nou Etaoye Salai Peie
1Ramai hai Etao vei baibuh ae pfüchi nasüe,
veahoyu phaki soukha peire nasüe.
2Südonou teideiphao pepo tayuma ae deichitao hai zai hi delou tayuma Etao hai ngaopi laimoe;
3zaidzü nou khüa kopayuma,
ae deichi khenou lüa ngushi shoa buyuma pilai moe.
4Sühisü rei ali nou Ramai vei nuhdu,
Kukulaiwo vei sheeyu ki hisü savayu hai küve peie.
5Ramai nou nuhdu sühisü bue, ae nuhdu sünasü shikhai toulai moe;
Ramai nou soukha peikoute-a bubailai.
6Tyahrütao sü ngaopi sholai, vedei khesü pepo talai;
Ramai nou teisüyu büa rapeie, ae teideiphao sü pepo talai.
7Khoukhoulai Mapao nou Etaoye salai peie;
Jakob vei Ramai hai Etao vei baibue.
8 Mapao nou soupei khaitouyu nuh khesü tave zhukhaio.
Deiphao hi puhnou khupayu vah haso soukhai touyu khesü zhukhaio.
9Puhnou deiphao veishi hi soureih souyu nasü nuchao khaire;
puhnou voulou khesü souchawure, heung khesü sousha laire,
ae rü khesü meidei laire.
10Puhnou paoe, “Züvei khaisou baio, ae E hai Ramai-e touyu sülo,
E hai tyahrü hrülai pei hinou ae teideiphao pei hinou dukayu nasüe.”
11Khoukhoulai Mapao nou Etaoye salai peie,
Jakob vei Ramai hai Etao vei baibue.
Currently Selected:
LOUTAO 46: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
