LOUTAO 45
45
Veo Maivei Shinghire Lou
1Enou veoye donou lou ali dapalai tea dayu phaki,
avei tsüle hi chipao laqo aveih nou phoutao pfüa bue;
larü rüveiyu mai ali vei rüsü büa avei müli hisü chipao veihli nou bue.
2Mai hrülai jünou ne-a hüvei ka-e;
chi paolou süyu sü ne hi peikhai toue,
südonou Ramai nou neye teisa nou shiha peie.
3Oh Aduso nare, nevei khouko ava ae veilou kolouyu sünou nevei khoche sü khya hi khipfülo.
4Acheche ae kaozü naye vupa peire donou nevei vemai rhei sü ngalouyu hinou pfüa vepeio,
nevei bah zhoulo vanou khupayu vah khesü doupeio.
5Nevei voulouthou hai pei tsüsho-e,
sünanou neye ngaobayu maitao vei lüthou hi vuthou peie;
sübüa tyahrütao hai ne phi hi kaodu koua baiwe.
6Ramai nou neye peikhai touyu vedei nasü teisa nou akhai ha-a bukou telai.
Nevei maitaoye sü nenou kaozü hinou khasa-a hrüpeilai;
7nenou acheche nasü jüpa-e ae ashi nasü ngaora-e.
Südonou Ramai, nevei Ramai nou neye sü dokupa loue,
ae mai kukhe jünou neye sü savayu hai peipue.
8Nevei sabanü hisü poukai nüvei myrrh ae aloes nou napei khaitoue;
praongi nou soukhai touyu vebuh hinou neye sü lou souyu mainou sousava peia nou bue.
9Veo maivei nahnaotutao nou nevei vebuh hisü koa bue,
ae veopfüpai sünou veikayu sana nou soukhai touyu sana zhu khesü tupoa nevei vebuh zhoulo vanou lapoa bue.
10Veo chapfü soure naotupai, Enou paoyu achi keilo—
nevei maitao ae nevei kityarai maitaoye ngai-o,
11Veo nou nevei hüveiyu sü ngaoloua thainülai;
puh hai nevei paopue, südonou puhnou paoyu chi zülo.
12Tair hi maitao nou neye sapeina khesü pove peilai,
ae toungiyu maitao nou nevei jüpa nasü ngaoloure donou telai.
13Veo nahnaotu pai hai vebuh hinou bue— puh sü daizhou koute hüvei sarou!
Puhvei sabanü hai sana raipo nou dao khaitoue.
14Veishoyu sabanü nou tupoa honapai sü veo hi saloue,
puh thaifü poa nou loumaina taolinou puhye sü veo hi salou peie.
15Savasho-a nou puletao hai veo nou buyu buh hisü taloue.
16Oh puo veo, nevei puopaoh maitao thaosü ne hai nahpoutu mai taoli hrüloulai,
ae nenou puletaoye sü deiphao teitei hi panou veo souloulai.
17Avei lou sünou nevei kathe hai panou teisa buloulai.
ae mai hrülai nou neye sü teisa nou paosho-a bulai.
Currently Selected:
LOUTAO 45: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
