LOUTAO 43
43
Vakou Teidei hinou Buyu Mainou Veachi Paoyu
1Oh Ramai, Eye kao baie tea paopeio,
ae razhai loumoyu maitao hinou avei kaozü khesü vupeio,
dayu maitao ae mai ashi maitao bah hinou Eye vupa peio.
2Eye vupa-apeio nasü ne baie;
ne daisounou Eye thaokhaiwe?
Daidonou zhaipou shiyu ngaoba maitao bah hinou Eye panou veahosho-a nou buwe?
3Nevei ava ae cheche nasü seive peio;
sühai nou pa Eye süthaisa-a tapeio ae Eye sapoa ve nevei sheeyu deichi Zion hisü vepeio,
ae nenou hrüyu nevei Rathoki hisü ve peio.
4Süthaisü Enou nevei posheelabu hi velai, Oh Ramai;
Enou savayu ngaore sü ne hinou baie.
Enou gaigou ae lanabvü sü kalai ae neye lou sousholai,
Oh Ramai, Avei Ramai.
5Daidonou E leveawe?
Daivanou E hai veahosho-a nou buge?
Avei areih nasü Ramai hinou bua bailai,
ae Eye khailupa–apeio avei Ramai ye Enou paoshopu laihie.
Currently Selected:
LOUTAO 43: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
