LOUTAO 42
42
LARÜBVÜ AHAINA
(Lou 42—72)
Vakou Nüpoa Tayu Maitao nou Veachi Paoyu
1Shuh ali nou kaorou teanou kü
kouyu reidzü aliye thainüyu büa
Oh Ramai, Enou neye sü thainü shoa nou bue.
2Hrüyu Ramai, Enou neye sü reisho-a nou kho-a bue;
Enou duki taho nevei nghoujü hinou neye tholou laige?
3Hea-khei sümoa Esü kra-a bubaire,
ae ngheidzü sünou avei touso soua hrüa bubaire.
Eye ngaobayu maitao nou tobai soumoa ahinou,
“Nevei Ramai sü daikinou bue?” tea noua bubaire.
4Enou maisouye süthaisa-a Ramai vei ki hi asa shopoa shusoua Ramai ye paoshoyu lou souyu khesü licho velouyu phaki ale sü pepoa baie.
5Daidonou E leveawe?
Daidonou E veaho shoge?
Avei areih nasü Ramai hinou bua bailai,
ae Eye khailupa–apeio, avei Ramai puhye Enou paoshopu laihie.
6-7Vakou maivei teidei hinou Esü ale pepo-a nou bue,
ae Enou puhye sü tsü chove loue.
Zaidzü houyu büa puhnou ahisü veahoyu hai seive peie,
haomakao-a bürarouyu sü dzüdu veyu büa ahi ve-e,
Jordan reidzü nou Hermon Deichi ae Mizir Deichi hinou kükouyu phaki teisüyu kho büa payu kua nou ahi sü ve-e.
8 Mapao ye panou puhvei tobai soumoa leshi peiyu nasü Eye hea kou ngaopeio,
sükulouzü kheikou hai E lou soure sü bulai,
hriyu Ramai hi Enou veachi paolai.
9Eye vupa apeio Ramai hi Enou paoe,
“Ne daisounou Eye ngaiwe?
Zhaipou shisho-a buyu ngaoba maitao bah hinou daisounou Eye panou vea shoa nou buwe?”
10Puletao nou Eye chishi lashi nou heikou heikhe-a
“Nevei Ramai sü daiki bue?” tea paoyu donou E sü veaho shore.
11Daidonou Esü leveage?
Daidonou E hai veahoshoa nou buwe?
Avei areih nasü Ramai hinou bua bailai,
ae Eye khailupa-apeio avei Ramai ye Enou paosho peipu laihie.
Currently Selected:
LOUTAO 42: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
