LOUTAO 4
4
Soukha Peire donou Koukhe Paoyu Veachi#HEBREW: David vei Lou Ali.
1Oh Ramai, Eye vupeiyupu,
Enou ne hi veachi paoyu phaki akho keipeio.
E vea-a buyu phaki, nenou Eye soukha peie;
Eye zhuvea peikhaio, alia avei veachi noupeio.
2Oh maikhe maitaore, neletao Eye teile daisoa hraongu soupeilai?
Teile kasoa neletao nou kaomoyu naye leshia cheche moyu naye sü thaihu talaige?
3 Mapao nou acheche maiye lah puhvei souloure donou dokupa loure touyu licholo,
alia Enou puhye kuyu phaki puhnou apai sü keinou peie.
4Ngaopi sholo alia mahmo souyu thaowo;
ne züphao nou dazüa buyu phaki hai vanou thou-a tsücho khaio.
5Acheche vei sheelayu nanou Mapaoye poa thokhaio,
alia nevei lü sü Mapao hi khailo.
6Haibüa veachi paoyu mai alao bue:
“Oh Mapaowo, nevei shiha sü Eye peipuraio,
Nevei leshi sünou Eye zhupeio!”
7Ana nenou Eye asah peikhai touyu nahai thou-dzü alao buyu mai jünou veipu hie.
8Enou kaonaphi-a zülai ae zhiloulai,
Oh Mapaowo, ne likhei nou Eye kaozhou aveih chekho-a peia baie.
Currently Selected:
LOUTAO 4: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
