LOUTAO 3
3
Soukha Peire donou Shona Paoyu Veachi#HEBREW: David nou Puh nahpoutu Absalom hinou Tuta-a buphaki puhvei Lou.
1Oh Mapaowo, Eye zhuba ngaobayu mai alaosou buloure,
mai alao Eye hraiyu mai soutare!
2Avanou puletao nou haibüa phakua bure:
“Ramai nou puhye soukha peilai moe.”
3Ana Oh Mapaowo, ne sü teisa nou kaozhou ashi daolaiyu phaki avei rü soupeie.
Veilou ngalouyu sü nenou ahi peie,
nenou ale soudu dakhai peie.
4Soukha peire donou Enou Mapao ye kue,
ae puhnou puhvei sheeyu deichi hinou khü peie.
5Enou dazü tae ae zhitare,
alia kheimathe Mapao nou Eye vupeie.
6Eye sühao-a buyu avei zhuba-ngaobamai thethe buyuma Enou ngaopi moe.
7Tave peio, Oh Mapao!
Eye khailupa peio, Oh avei Ramai!
Nenou avei ngaobayu maitaoye tudee peie,
alia Eye souvea more donou puletao vei khouko sü souha peie.
8Veilouyu hai Mapao hinou ve-e,
puhnou puhvei maikhe maiye shiha peiyu sü soulo theo.
Currently Selected:
LOUTAO 3: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
