LOUTAO 33
33
Paoshoyu Lou
1Checheyu maitaore, Mapao zhih hinou asalo!
Puh chi züa buyu maitao, puhye paosho khaio.
2 Mapao ye gaigou poloua lou sousho khaio,
lou souyu basei khenou poloua puhye lou sousholo.
3Puhye lou ashu nou sousholo,
lanabvü sü soutaosoua kalo,
ae shusoua asasho poa nou lou soukhaio.
4 Mapao vei chipao hai cheche-e,
ae puhvei vah teitei hai louche louveie.
5Puhnou acheche ae kaozü nasü jüpa-e;
puhvei tobai soumoa leshiyu nasü nou deiphao veishi sü phoutao-a nou bue.
6 Mapao vei kharochi hinou raki sü souloue,
khouh, teinghi, ae vuhtao hai puhvei chipao nou souloue.
7Puhnou zaidu teitei sü buh ali hi pove khaipeie;
puhnou zaidu hi buyu dzü veishi sü na pokhaiyu kide ali hi khaipei-e.
8Teideiphao teitei nou Mapao ye tholo!
Deiphao hi hrüyu mai hrülai nou puhye tsükhoulo.
9Puhvei chipao sünou teideiphao soupeie;
puhvei kharochi hinou na veishi sü paloue.
10Tyahrü khenou tsüchoda khaitouyu khesü Mapao nou halia moyu hi southou khaipeie;
maikhe mainou soulai tea tsücho-a buyu khesü puhnou pa soulou moe.
11Ana Mapao nou tsüchoda khaitouyu khewo akhai koute bukouloua baiwe;
puhnou soulai tea buyu vahtao hai khaphao teitei hi vete baiwe.
12Savayu tyahrütao hai thaothao mai-e toulouzü,
Mapao ye puletao vei Ramai soulouyu maitao-e;
ae puhnou puhvei mai panou soulai tea dopa louyu maitao-e.
13 Mapao nou raki vanou zhikou mai hrülaiye zhingaowe.
14Puhvei vebuh hinou puhnou zhukou deiphao mai hrülaiye ngaowe.
15Puhnou puletao vei tsüle sü soupeie,
ae puletao nou soupfüyu vah teitei sü puhnou süwe.
16Veo mai ali hai puhnou reihmai veishoa buyu vanou reih veilou moe,
reihmai ali hai puhvei khouko vanou ngalou moe.
17Reih veiloure donou rheitao ye louche-a areih buyu sü hamako baie,
puletao vei khouko sünou puletaoye khailupa peilou hoe.
18 Mapao nou puh chi züa buyu maitao,
ae puhvei tobai soumoa leshi peiyu nasü louche-a buyu maitaoye kho peiwe.
19Puhnou puletaoye sü thaire hinou khailupa peie,
ae tokaa veyu phaki-a panou hria bulouwe.
20 Mapao hai Eletao vei areih nasüe,
puh hai Etaoye vupa apeio ae soukha apeio nasüe.
21Etao hai puh vanou asawe,
puhvei sheeyu zhih nasü Etao nou louche-e.
22Oh Mapaowo, Etao nou neye louchewe;
Etao vei areih nasü ne hinou buyu thaifüa nevei tobai soumoa leshi peiyu nasü Etao hi bupeio.
Currently Selected:
LOUTAO 33: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
