LOUTAO 32
32
Mahlayu ae Khailu Peiyu
1Asayu maitao sü thaomai-e toulouzü
puletao vei mahmo khaipeiyu maitao-e
ae puletao nou soumah pfümah khaitouyu khesü poku peiyu maitao-e.
2Asayu mai nasü Mapao nou puhye mahwe tea mah dukakhai peimoyu mai,
ae puletao nou soumah pfümah khaitouyu khesü poku peiyu maitao-e.
3Enou avei mah khesü paopa loumoa bukhai-e,
Enou heamajü dopfüa kra-a buyu donou avei vasou sü shisho loure.
4 Mapaowo, nenou Eye hea-khei sümoa tudee peiyu donou avei khouko sü teilüyu phaki teinai nou dzü khesü phutheyu büa phuthewure.
5Süthaisü avei mahmo khesü Enou ne hi paopa-e;
Enou soumah pfümah khaitouyu khesü ali koute-a poku moa ne hi mahlapa peie.
Enou ne hisü avei mahtao paopa bailaire tea ale laloue,
ae nenou avei mah veishi sü khaipeie.
6Südonou ne chi züa buyu mai hrülaiye panou ne hi veachi pao-a kholo,
veahoyu hai dzüdu veyu büa veyuma puletao hi koute loulai moe.
7Ne hai Enou tutsüa bailoure buh nasüe,
E veahoyu phaki nenou Eye vupa peie.
Nenou Eye khailupa peiyu ae vupa peiyu sü Enou shusoua lou soulai.
8 Mapao nou paoe, “Neletao nou ludu kalova talai touyu nasü Enou paodou peilai,
Enou neletaoye paodou poa khosa-a tapeilai.
9Neletao hai tsü hayu rhei moa rheisüh büa voyu souso,
puletao vei mü sü khaloua rai nou phulou moyu thaio puletao hai paochi zülai moe.”
10Mai ashi maitao louzü veaho-a bailai,
ana Mapao ye louche-a buyu maitao louzü puhnou tobai soumoa leshiyu nanou vupaloua bailai.
11Cheche-a buyu maitaore, Mapao vei zhih hinou asalo,
ae puh chi züa buyu maitao, sasho-a nou shusou shakhaio.
Currently Selected:
LOUTAO 32: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
