LOUTAO 2
2
Ramai nou Dolouyu Veo
1Daidonou tyahrü khemai nou reih soua dure rohwe?
Alia daidonou maikhe mai hai hamako hinou shodo ashi sü souwe?
2Deiphao hi veo maitao nou me souloue,
ae peikho maitao nou kheichi phazholoua Mapao hi ae puhnou dolouyu veoye hraiwe.
3“Etao-a puletao vei khakhe hinou lahdo soulou laikhe,
puletao vei raiphu nasü,
Eletao hinou popa laiwu laishe” tea puletao nou paoe.
4 Mapao nou rakiva puhvei vebuh hinou nüwe,
alia puletao nou tsüchoa soudayu sü konüe.
5Süthaisü puhnou raroushoa puletaoye tukha peie,
ae lekha shoa puletaoye pi-a paoe,
6“Avei sheeyu Zion deichi hisü Enou avei veoye sü buh thoupeiwure.”
7“Mapao nou kharochi peikhai touyu taosü Enou paosü peilai” tea veo nou paoe.
Puhnou ahi paoe, “Ne anahpoutu-e,
zhou teithe hinou Enou nevei puo souloure.
8Kho khaio ae Enou tyahrü hrülaiye sü ne hi peilai,
alia deiphao teitei sü panou nevei soulai.
9Nenou hu süda poloua puletaoye souphe peilai,
nenou puletaoye nailee ali büa souphesasa peilai.”
10Chuo tudeeyu hai keilo, Oh veo maitaore;
deiphao hi peichayu maitao, neletao haihai sülo.
11Ngaopi shoa ae ngututua Mapao vei kuvah soulo.
12Alia pi sholo ae nakou Mapao ye tholo,
sütoumo louzü thalasou puh lekha sü pa-a bailai,
ae neletao hai thaiha tea bailai.
Puh hinou ve bailouyu mai hai rako veiyu maie.
Currently Selected:
LOUTAO 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
