LOUTAO 24
24
Dushoyu Veo
1Teideiphao ae sühinou hrüyu hrülai hai Mapao vei baie,
deiphao ae sühinou buyu veishi hai puhvei baie.
2Puhnou sünasü zaidu pei hinou soushu peie,
ae zaidzü khevei nou beikhei nasü soushu peie.
3Thaonou Mapao vei deichi vasü taopalai?
Thaonou puhvei sheeyu Rathoki hisü talou laige?
4Phibah sheeyu mai, ae tsüle sheeyu maitao,
basharataoye thomoyu maitao,
moyuma da-a nou chaachou soumoyu maitao noulai.
5 Mapao nou puletaoye sü shiha peilai ae khailupa peilai,
Ramai nou puletaoye chechewe tea paopeilai.
6Sübüyu maitao nou Ramai hisü velai,
sübüyu maitao nou Jakob vei Ramai nghoujü hinou bulai.
7Rokhu bomütao sü houpei khaio,
daoh maivei kikhutao sü houpei khaio,
dushoyu veo sü velou laire.
8Dushoyu veo sü thaoge?
Puh sü Mapao-e, khouko abuwo,
soureih veilouyupu Mapao-e.
9Rokhu bomütao houpei khaio,
daoh maivei kikhutao sü houpei khaio,
dushoyu veo sü velou laire.
10Dushoyu veo sü thaoge?
Veilou ngalouyu Mapao puh hai dushoyu veo nasüe.
Currently Selected:
LOUTAO 24: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
