LOUTAO 23
23
Mapao hai Etao Zhaokhopue
1 Mapao hai avei zhaokhopue,
Enou jüpayu teitei sü buche-a baie.
2Puhnou Eye pou dai veiyu buh hinou pa sochaoloue,
ae Eye dzü veishoa buyu hisü save peie.
3Puhnou ahi pfüchi thou peie.
Puhnou paohpei khaitouyu thaifüa Eye checheyu ludu hinou süthaisa-a tapeie.
4Enou thaire vei teimai teizhi hinou ta-a buyuma,
E ngaopi laimoe, Mapaowo,
daiolouzü nenou Eye koa salai peie.
Nenou poa zhaotu khoyu süüpo ae süüru nasü nou Eye vupa peie.
5Eye ngaobayu maitao nghoujü hinou nenou Eye panou khonüh nüre donou souda khaipeie,
nenou Eye sü tsükhou shoyu mai ali büa sühpeie,
ae avei pai sü laphoutao peie.
6Checheyu nevei leshi ae zhuvea nasü teisa nou avei hrümai hisü bukoutelai
ae nevei ki hinou avei hrümai teitei hrüa bulai.
Currently Selected:
LOUTAO 23: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
