LOUTAO 21
21
Veilouyu donou Paoshoyu
1Oh Mapaowo, veo sü lesa shoa nou bue,
daiolouzü nenou puhye sü khouko thoupeie,
puhnou asawe, daiolouzü nenou puhye veilouyu sü peie.
2Puhnou jüpa-a buyu veishi sü nenou puhye peie,
puhvei akho khesü nenou noupeie.
3Nenou puhye shiha alao soumoa peie,
ae puhye veikayu sana nou peirü sü rüpeie.
4Puhnou ne hinou hrümai kho-e,
ae nenou puhye hrüshoyu nasü peie.
5Nenou puhye soukha peiyu donou puhvei kathe sü dushore,
ae nenou puhye sü zhih tayu ae tsükhouyu hai-a peie.
6Puh hisü teisa nou nevei shiha sü bupeie,
ae nenou puhye salai peiyu donou puh hi asah nasü bue.
7Khoukhoulai Mapao ye sü veo nou louchewe,
ae Mapao vei tobai soumoa leshi peiyu donou puh hai teisa nou kaozhou veia hrüloulai.
8Veo nou puhye ngaobayu mai hrülaiye sü nüloulai,
puhye ngaorayu mai veishiye sü puhnou nüloulai.
9Puhnou veyu phaki, puletaoye sü mei deiyu büa souha peilai.
Mapao vei lekha rarou sünou puletaoye sü zhaoloulai,
ae mei nou puletaoye sü deihawulai.
10Puletao vei tyaosholea maitao hai mai ali koute-a shokhai peilai moe,
veo nou puletao mai hrülaiye sü souha khaiwulai.
11Puletao nou puhye soushire donou tsüchoda-a shodo ashi khesü soulai,
ana puletao hai veilou laimoe.
12Puhnou puletaoye voulouthou nou kalai,
ae puletao hai ngaopi-a tuta bailai.
13 Mapaowo, Etao nou nevei khouko aduso nasü paoshowe!
Nevei khouko sü Etao nou lou sousholai.
Currently Selected:
LOUTAO 21: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
