LOUTAO 20
20
Veilouyu donou Veachi Paoyu
1Nenou veaho-a buyu phaki
Mapao ye panou nevei veachi sü keinou peio!
Jakob vei Ramai ye panou neye vupa peiyu sü soulou theo!
2Puhnou neye panou Rathoki hinou soukha peiyu sü seive peiyu soulo,
ae Zion deichi hinou neye babou peiyu sü panou soulo!
3Nenou posheela peiyu teitei sü puhye panou popeiyu sü soulou theo,
ae nenou meideia sheelayu veishi sü puhye panou jüpayu sü soulou theo.
4Nenou jüpa-a buyu teitei sü puhye panou neye peiyu sü soulo,
ae nenou tsüchoda-a buyu veishi panou vete louyu sü soulou theo.
5Süthaisü nenou veilouyu donou Etao hai lesa-a nou shusoua shalai,
ae nenou ngalouyu donou Etao hai khonüh nüa Ramai ye paosholai.
6Chuo Enou süloure, süolouzü Mapao nou dopa khaitouyu puhvei veoye sü veilouyu sü peiwure,
puhnou sheeyu raki vanou puhnou veachi sü keinou peie,
ae puhvei khouko sünou puhye veilouyu sü peiwure.
7Kamai-a nou lah puletao reih vei rheiluki khesü louchewe
ae kukhe mainou puletao vei rhei khesü louchewe.
Ana Etao louzü Etao Ramai Mapao vei khouko nasü louchea baie.
8Sübüyu maikhe mai sü kaodu ta-a bailai,
ana Etao louzü kushu loulai ae lachü loulai.
9Oh Mapaowo, veo ye veilouyu nasü peio,
Etao nou kuyu phaki Etaoye chila peio.
Currently Selected:
LOUTAO 20: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
