LOUTAO 1
1
LARÜBVÜ ARAINA
(Lou 1—41)
Acheche vei Asah
1Mai ashi mainou tsü doupeiyu hi tamoyu mai,
mah maitao hrü ludu thaipfü moyu mai,
moa Ramai ye samoyu mai buh hi bumoyu mai hai rako veie.
2Ana puletao vei asah hai Mapao vei chikha züyue,
alia puletao hai heamajü ae kheimathe sünaye lichoa bue.
3Sümaisü reipe hinou shokhai toua teile teitei hinou rashithou shiyu,
ae puhvei nghoua paikhai moyu süübe kheihao-e.
Puletao nou hatali souyuma pah veilai.
4Anou mai ashi maitaowo sübülai moe;
puletaowo teikhai nou hüpoa tayu thouba büa bailai.
5Südonou mah mai hai chikuyu teileki lalou laimoe,
moa mah mai hai acheche mainou me souyu hi bulai moe.
6Acheche maiye sü Mapao nou süthai peilai alia vupeilai,
ana ashi soua laiyu maiwo hakare ludu hinou ta-a bue.
Currently Selected:
LOUTAO 1: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
