LOUTAO 146
146
Khailupa peiyu Ramai ye Paosholo
1 Mapao ye paosholo!
Arako, Mapao ye paosholo!
2E hria buki sasü puhye paosholai,
avei hrümamai veishi sünou E avei Ramai ye lou sousholai.
3Süthai-apei maitaoye loucheso;
deiphao mai nou neye khailupa peilou hoe.
4Puletao nou thaitayu phaki, nai vita-a bailai;
süzhou teithe hinou puletao vei tsü chodayu veishi hai akhai soua baie.
5Asayu maitao hai puletaoye panou Jakob vei Ramai nou soukha peiyu
ae puletao vei Ramai Mapao hinou vureih-a buyu maitao-e.
6Puhnou raki, deiphao ae zai,
alia sütao hinou buyu na veishi sü soupeie.
Puhnou apaokhai touyu khesü puhnou teisa nou khaipeie;
7puhnou veahoa laiyu maiye sü kaozü hinou chiku peie,
ae houzüa laiyu maiye pouphou reikha soupeie.
Mapao nou hukhaki hi buyu maiye lahdo soupeie,
8ae nghicha laimaiye souvei peie.
Puhnou kaodua buyu maitaoye pola peie;
checheyu maiye puhnou leshi peie.
9Puhnou Etao vei teidei hinou buyu shetumaiye vupa peie;
puhnou mimea maipfü ae rounahtou taoye soukha peie,
ana mai ashi maiye souha peie.
10 Mapao nou teisa sü veo soulai.
Oh Zion, nevei Ramai nou akhai ha-a teisa nou veo sü soulai.
Mapao ye paosholo.
Currently Selected:
LOUTAO 146: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
