LOUTAO 143
143
Soukha peio tea Veachi paoyu
1Oh Mapaowo, avei veachi sü keipeio!
Nevei checheyu nasü nou avei akho noupeio,
nevei chilee checheyu nou Eye chila peio.
2Nevei kilai Eye sü panou veahoyu hi kabü laisa tea pothou peiso;
daiolouzü nevei nghoujü hinou checheyu hai mailia hae.
3Eye ngaobayu maitao nou Eye thaihu loure,
ae puletao nou Eye hraongu soupeiwure,
ae raichoki nou thaitayu mai ali büa Ewo bubaire.
4Südonou Ewo soulou hore, thaokhai-a bailaire tea bure;
Ewo veahoyu nou paoshalou hore.
5Enou raichoki vei teithe teile taohai licho-e;
nenou soukhai touyu vah teitei hai Enou tsücho-e,
nevei vah haso khesü Enou lichopoa nou bue.
6Enou abah lapoa nou ne hi veachi paoe;
dei kirü touyu ali hai dzü reihshoa buyu büa
avei rako nou neye sü jüpa sho-a bure.
7 Mapao, Eye chunou chila peio!
Ewo areih touyu teitei nou hazei baie.
Ne ahinou tuvai tutsü peiso,
Ewo athai maivei teidei hi hotayu laire.
8Nevei tobai soumoa leshi peiyu nahai Eye shonachü nou süngao peio,
daiolouzü Enou neye louchewe.
Enou tare ludu nasü Eye ngaopeio,
daiolouzü Enou ne hi veachi paoe.
9Oh Mapaowo, Eye panou vupeire donou E ne hi vewe,
ngaobayu maitao hinou Eye vupa peio.
10Ne hai avei Ramai-e;
nevei jüpa leli nasü Eye doupeio.
Ahi maiveih shopeio,
ae Eye ludu aveih hinou süthaisa-a tapeio.
11Oh Mapaowo, nenou paokhai touyu thaifüa Eye vupa peio;
nevei aveih nou Eye veahoyu teitei hinou khailupa peio.
12Daiolouzü nenou Eye leshiyu hinou Eye ngaobayu maitaoye southa peio,
ae Eye souveayu maitaoye soukanghi peio,
daiolouzü E hai nevei kilai baie.
Currently Selected:
LOUTAO 143: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
