LOUTAO 142
142
Soukha Peio tea Veachi Paoyu
1Oh Mapaowo, Eye soukha peio tea ne hinou khowe;
Eye zhuvea peio tea ne hi paowe.
2Enou vamoyu veishi sü ne hi paongao-e;
avei veahoyu teitei ne hi paowe.
3Enou chathai ta-a bailaire tea buyu phaki,
puhnou Eye panou daisoulai touyu nasü süwe.
Enou tayu ludu hisü,
Eye ngaobayu maitao nou shorüh southou peikhai toue.
4Enou zhu haoveyu phaki,
mailia Eye soukha peire mai sü ngaomoe,
mailia Eye vupeire mai sü hare.
Eye donou tea mailia zhuvea peia lüpeire mai sü hare.
5Oh Mapaowo, Enou kra-a ne hinou soukha khowe;
Eye vupa-apeio nasü Mapaowo, ne baie;
avei hrümamai hi jüpayu hai ne likhei baie.
6Enou kra-a soukha khoyu avei pai sü kei peio,
daiolouzü Ewo veahoyu nou akhai hi kou loure.
Eye ngaobayu maitao hinou vupa peio;
daiolouzü puletao hai ajünou khoupu shohie.
7Eye veaho-a buyu#142.7 veaho-a buyu; moa hukhaki. hinou popa peio;
süthaisü Enou neye maisou nou vejüa buyu hrohinou paosho peilai,
daiolouzü nenou Eye zhuvea leshi shopeie.
Currently Selected:
LOUTAO 142: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
