LOUTAO 141
141
Koukhe Veachi Paoyu
1Oh Mapaowo, Enou neye
kua bue, chunou Eye soukha peio!
Enou neye kuyu phaki avei pai sü keipeio.
2Enou veachi paoyu sü poukai nüvei meideiyu ali büa popeio,
ae abah lashuyu haina hai koukhe posheela peiyu büa popeio.
3Oh Mapaowo, amü panou khore donou reikhaomai ali khaipeio,
avei mütaiye panou khore donou mai ali khaipeio.
4Eye panou vah ashi souyu hi louso,
ae mai ashi maiye koa kaomoyu vah khesü souso.
Eye panou puletao vei savayu khonüh hi louzhoso.
5Mai aveih maiye panou Eye zhuveayu hinou tudee-a züpeiyu sü soupeio,
ana mai ashi mainou Eye tsükhou peiyu nasü enou jüpa moe,
daiolouzü Enou teisa puletao vei vah ashi souyu khesü aetou moa veachi paoe.
6Puletao pei hinou khasa-a hrüyu maitaoye chulya shiyu pei hinou laikou peiyu phaki,
maikhe mainou avei chipao khesü cheche-e tea nou süloulai.
7Süü ali hai jüde loua rakho sasayu bütoua puletao vei rao khesü khüpe hinou soupho raroua khaipeilai.#141.7 Phoure 5-7 koute hai Hebrew hi sheesha timoe.
8Ana khoukhoulai avei Mapaowo, Enou neye louche-a bue.
Nevei vupa peiyu nasü Enou phoua nou bue,
Eye panou thaiso!
9Puletao nou Eye muloulai tea rüh southou khaitouyu hinou povai peio,
ae mai ashi maitao nou rüh southou khaitouyu hinou vupa peio.
10Enou puletao vei shorüh hinou tavai tarei palouyu phaki,
puletaoye sü panou lah puletao nou southou khaitouyu rüh hinou mulouyu sü soupeio.
Currently Selected:
LOUTAO 141: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
