LOUTAO 14
14
Deiphao Maivei Ashi
(Lou 53)
1Avo maitao nou lah hi haibüa paoe,
“Ramai hae!”
Puletao mai hrülai nou shita khaitoure,
ae puletao nou ngaora shoyu vah haso khesü soutare;
kaozü vah souyu mai ali koute-a hare.
2 Mapao nou rakiva nou zhikou deiphao mai hai tsü veiyu mailia buhasa tea zhuwe,
ae puhye thoyu mai ali-a buhasa tea zhuwe.
3Ana puletao mai hrülai nou shita khaitire;
puletao mai hrülai nou raibütoua shikhai tare.
Puletao mai ali koutea kaozü vah nasü soumore,
mai ali koutea vah aveih soumore.
4 Mapao nou noue,
“Hashi souyu mai haitao hai daizhou koute vowe?
Puletao nou avei maitao vei touso sü shaoto shaoso-a laiwe,
ae puletao hai ahi veachi paokhai toumoe.”
5Ana puletaoye sü ngaopi soua soupi peilai,
daiolouzü Ramai hai puhvei chi züyu maitao hinou bua baiwe.
6Hashi souyu maitao nou tainoutou soua laiyu maitao vei tsüchoda khaitouyu khesü soupepo peiwe,
ana Mapao nou puletaoye sü vupa peiwe.
7Israel maiye khailupa peiyu nasü Zion hinou velai!
Mapao nou Israel maitaoye savayu nasü peidakhaiyu phaki puletao hai daizhou koute asa laisa!
Currently Selected:
LOUTAO 14: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
