LOUTAO 13
13
Soukha Peio tea Veachi Paoyu
1Ne Eye teile kaso ngaiwua bulaige, Oh Mapaowo?
Teisa nou ngai-a bailaiwu?
Ne ahinou teile kaso tutsüa bulaige?
2Teile daisoa Eye panou ale vea-a teithetsü tsü chopa louhoa bulai?
Teile kaso Eye ngaobayu maitaoye panou ajünou koloua bulai?
3Oh Mapaowo, avei Ramai, Eye zhupeio alia Eye chila peio.
Eye khouko peidakhai pupeio; Eye panou thaitaso.
4Eye ngaobayu maitaoye panou “Enou puh jünou veiloure” tea panou paoso.
E kaodu tayu donou puletaoye panou asayu sü soupeiso.
5Enou nevei zhuvea leshiyu nasü louchewe;
Enou asa-a bulai, daiolouzü nenou Eye khailupa peie.
6Oh Mapaowo, Enou neye lou sousholai,
daiolouzü nenou ahi veihsho peiwure.
Currently Selected:
LOUTAO 13: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
