LOUTAO 15
15
Ramai nou Jüpayu Zhai-hrü
1Oh Mapaowo, kabüyu mainou nevei Rathoki hisü taloulai?
Thaonou nevei sheeyu Zion deichi hinou neye tholaige?
2Hateitei hinou Ramai vei chi züyu mai,
ae teisa nou acheche vah souyu mai,
checheyu chi paoyu mai,
ae tsüle sheesha teanou hrüyu mai,
3alia maiye paoshi moyu mainou,
puhvei samai khamai hi kaomo zümoyu soumoyu mai,
mokhaia puhvei kinapa hi zhaochi paota moyu mai,
4Ramai nou malaiyu maiye aetou moyu mai,
ana Mapao vei chi züyu maiye tsükhou peiyu mai noulai.
Puletao hai lah nou paokhai touyu nasü liche-a soupeiwe,
tateimo deinou tateiyuma soupeiwe.
5Puletao hai maiye pousha vea lia pomoa poupao peiwe,
mah hayu mai hi zhopao ashi soure donou seihla peia zülou hoe.
Haibüa nou soupfüyu maitao hai teisa nou kaozhou vei-a bailai.
Currently Selected:
LOUTAO 15: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
