LOUTAO 138
138
Kalo Paoyu Veachi
1Oh Mapaowo, avei tsüle
veishi nou peia Enou ne kalo hai paowe;
ratao nghoujü hinou Enou neye lou soushouwe.
2Enou nevei Rathoki hilo reiloua nakou neye thowe,
ae nevei zhih sü paoshowe,
daiolouzü nevei tobai soumoa zhuvea leshi peiyu donou ae nevei chilee checheyu donou alia nevei zhih ae nevei chikhatao hai hateitei jünou kuka-a soungao peiyu donou.
3Enou neye kuyu phaki nenou Eye chila peie,
Nevei khouchi sünou Eye soukhou peie.
4Oh Mapaowo, deiphao hi vemai hrülai nou neye paosholai,
daiolouzü nenou apaokhai touyu khesü puletao nou choure.
5Nenou soupeikhai touyu vah hasotao ae nevei aduso khesü puletao nou lou soushowe.
6Ne hai kushoa nou buyuma tainou tisoua laiyu maitaoye sü kiko peie,
ae khaophou soua laiyu maitao hai ne hinou tutsü louhoe.
7Eye veahoyu ae tateiyu khenou süho-a buyuma nenou Eye kikoa sa-a tapeie.
Eye ngaobayu maitaoye sü nenou dupeie,
alia nevei khouko sünou Eye khailupa peie.
8Nenou paohkhai touyu teitei sü nenou souvete peilai;
Mapao, nevei leshiyu hai akhai hae.
Nenou soushu khaitouyu vah khesü souche peio.
Currently Selected:
LOUTAO 138: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
