LOUTAO 137
137
Israel Maiye Vakou Nüpoa Tayu donou Dopfüyu
1Babilon reipe hinou etao hai dopfüa nou chobue;
Etao hai Zion ye sü licho loua nou kra-e.
2Poa lou souyu Etao vei basei natao hai reipe hi buyu süübe tao hinou vaozhu khaitoue.
3Etaoye nüpoa tayu maitao nou Etaoye lou soukhaio tea paowe;
Etao nou puletaoye sousava peio tea paoe;
“Zion vei lou soungao khaio tea Etao hi paoe.”
4Kabüa Mapao vei lousü Etao nou vakou maivei teidei hinou soulai?
5Oh Jerusalem, Enou neye ngai louzü,
abah sü panou pothai tatheo!
6Enou neye licho moa bulouzü,
ae avei sava kayu hai ne hinou baie tea tsücho-a bumoyu thaio,
Eye panou lou soupu khaiso!
7Oh Mapaowo, Edom mainou Jerusalem ye polouyu teithe
puletao nou dai soupeie touyu khesü licho peio.
Puletao nou haibüa paoyu sü licho peio,
“Beikhei hi koute souphepho laikhai touwo.”
8Oh Babilon, neye sü soushi souhawulai.
Nenou Etao hi soupeiyu zhai büa neletao hi soupeiyu maitao hai savayu maitao soulai—
9Neletao vei nahmaitaoye poloua puletaoye sü chuh hinou pokou datha peiyu maitao hai savayu maitao-e.
Currently Selected:
LOUTAO 137: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
