LOUTAO 112
112
Mai aveih Mainou Savayu
1 Mapao ye paosholo!
Mapao ye tsükhouyu maitao ae puhvei kharochi hai
jüpa sho-a nou züyu maitao hai savayu maitao-e!
2Mai aveih maivei nahmaitao nou teidei hisü aduso mai soua nou hrülai;
puletao vei tou-dzü taonou shiha ngao-a nou sava-a hrülai.
3Puletao vei kihikha maitao hai toungia nou hrülai,
ae puletao hai teisa nou vasa-a nou bulai.
4Mai aveih maitao donou zhiyu buh hia ava sünou vapeiwe,
daiolouzü Mapao hai zhuvea leshi peiyu ae acheche nasüe.
5Savayu maitao hai lela veisho-a nou maiye pou-pao peiyu ae tsüle sheesha tea nou huha souyu maitaoe.
6Mai aveih maiye sü panou kaodu takhailai moe,
puhye sü teisa nou licho peilai.
7Puhnou ko ashi khesü chouyuma ngaopilai moe;
puhvei lü hai khousho-a nou bue, ae puhnou Mapao ye louche-a bua bailai.
8Puh hai levea laimoe moa ngaopi laimoe;
puhye ngaobayu maitao hai hakata-a bailai touyu sü puhnou lütei tea nou bua baiwe.
9Puhnou touha-a laiyu maiye lela veisho-a nou pei zhi-a baiwe,
ae puhvei zhuvea nasü hakhai moe,
puh hai duso palai ae mainou puhye sü tsükhou peilai.
10Mai ashi mainou hai khesü ngaoloua lekha-e;
puletao hai lekha shopoa nou hakata-a baiwe;
puletao nou jüpa-a vurei-a buyu khesü hata baiwe.
Currently Selected:
LOUTAO 112: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
