LOUTAO 111
111
Mapao ye Paosholo
1 Mapao ye paosholo!
Puhvei maitao nou tave jüa buyu hrohinou avei tsüle veishi nou peia Enou puh kalo sü paopeilai.
2 Mapao nou soupfüyu vah haso khesü daizhou koute khupasa!
Sütao jüpa-a buyu maitao nou sütao hai daivanoue touyu sülou nüwe.
3Puhnou soupfüyu vah haso teitei hai ngaoposhu tsükhou louveiyu khaikho baie;
puhvei acheche nasü akhai ha-e.
4 Mapao nou Eletaoye panou puhvei khupayu vah haso khesü licho louwe;
ae puh hai maiye leshi zhuvea peisüh sho-e.
5Puhye tsükhoua buyu maiye sü panou khüzüa bumoe,
puhnou vo soukhai touyu nasü puhnou ngaikhai timoe.
6Puhnou puhvei khouko nasü puhvei maitao hi vakou maivei teidei khesü puletao hi peia soungao peie.
7Puhnou soupfüyu vah teitei hai louche louveie ae kaozü hinou soua baie;
puhvei kharochi pfüphou hai veikhai-a baie.
8Sütao veishi hai teisa donou peikhai toue,
sütao hai louche louveiyu hinou ae acheche hinou peikhai toue.
9Puhnou puhvei maitaoye sü panou lahdo soupeie,
ae puletaoye koa teisa donou vo soukhai peie.
Sheeyu ae khouko buyu nasü puh baie.
10Tsüdo veia hrülai toulouzü Mapao ye tsükhoulo,
puhvei kharochi züa buyu mai hrülai hisü puhnou tsüveiyu nasü peiwe.
Puhye teisa nou paosholo.
Currently Selected:
LOUTAO 111: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
