LOUTAO 113
113
Mapao vei Aveih naye Paoshoyu
1 Mapao ye paosholo!
Mapao vei kilai maitaore,
puhvei zhih sü paosho khaio.
2Puhvei zhih sü paoshokhaio,
chunou poa teisa nou paosholo.
3Teinghei palova nou poa teinghei loulo koute
Mapao vei zhih sü paosholo!
4 Mapao nou tyahrü veishi pei hinou khasa-a nou bue;
puhvei khouko ava hai raki jünou kua nou bue.
5Etao Ramai Mapao ye raiyu mai ali-a ha-e.
Puh hai kukulai hinou bue,
6ana puhnou nakou raki ae deiphao sü zhupeiwe.
7Puhnou touhayu maiye sü deiphi hinou pokupa peie,
puhnou veahoa laiyu maiye sü puletao nou veahoyu hinou popa peie,
8ae puletaoye sü panou vemai nahtaoye koa bupeie,
puhvei maitao pei hi veo nahmaitaoye sa-a panou bue.
9Puletao nou nahapfü soua buyu maiye sü tsükhou peie,
puhnou puletaoye sü tounah peia panou asayu sü ngaoloue.
Mapao ye paosholo!
Currently Selected:
LOUTAO 113: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
