LOUTAO 110
110
Mapao alia Puhnou Dolouyu Veo
1 Mapao nou avei paopu hisü paoe,
“Enou neye ngaobayu maitao hai nevei phi khevai pothou khailoumo koute abah zhoulo vanou bulo!”
2 Mapao nou nevei vebuh nasü Zion hinou souduso papeilai.
“Neye ngaobayu maitaoye sü khasa-a hrülo,” tea puhnou paopeilai.
3Nenou nevei ngaobayu maitaoye reih souyu teithe zhousü nevei maitao hai puletao lah nou tave neye soukha peilai.
Shona vidzü kouyu büa nevei nahle maitao nou nenou buyu sheeyu deichi hisü veloulai.#110.3 Phoure 3 nahai Hebrew hi sheesha timoe.
4 Mapao nou chaachou souwure, ae puhnou süsü podakhai laimoe,
“Napao Malkhizedak zhai büa nenou teisa sü napao soulai.”
5 Mapao hai ne bah zhoulova nou bue;
puhnou lekha payu teithe zhousü,
puhnou veo maitaoye sü souka sounghi khaiwulai.
6Puhnou tyahrütao pei hi chiku peilai ae reihbu hisü panou thaiphao khaikho bulai;
puhnou deiphao hi veo mai hrülaiye sü hraongu soupeilai.
7Veo nou ludupe hinou buyu reitou hinou dzü sü kelai,
ae puhnou khouchi sü ngaoloulai, puhnou veiloua laloulai.
Currently Selected:
LOUTAO 110: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
