TSÜCHITAO 9
9
Tsüveiyu alia Voyu
1Tsüveio nou deka anai shulaloua puhvei ki sü souloure. 2Honapai nou puhvei kikhaorü sü datha loure, puhvei zhaoh sü cholure, ae puhnou touso-a soudawure. 3Puhnou nuhdu hinou kukayu buhtao hinou hrüyu maitaoye kutare donou puhvei kilai maitaoye seitawure: 4“Maitara lia chaomeh soua buyu maitao, tavelo!” Tsühayu maitao hisü honapai nou haibüa paoe, 5“Tave avei raokhao touwuo alia Enou chokhai touyu azhaoh sü sowuo. 6Memeh soua buyu maime sü thaokhaio, sükia ho hrülo. Tsünghi ngaoyu ludu hi talo.”
7Maiye lyasüyu mailiye souzüyu maisü lah hraongu ngao-a bailai. Mai ashimai liye tudeeyu maisü lahye zhiloua bailai. 8Maiye lyasüyu mailiye tudee peiso, molouzü puhnou neye ngaora-a bailai. Ana nenou tsüveimai liye tudee peilouzü, puhnou neye tsükhou peilai. 9Tsüvei mailiye paodou peio, sütoulouzü puhsü tsüvei pupalai. Checheyu mailiye doupeio, sütoulouzü puhsü süpu khekhai khekhailai.
10 Mapao ye piyu hainou tsüvei loure vei beih-e, alia Masheeo ye süyu hai tsünghei ngaolou nasüe. 11Daiolouzü avanou nevei teithe tao sü deida choputhou peilai, alia ne hrü hi po alao thoupu peilai. 12Nenou tsüvei louzü, ne lah neye donou tsüvei-a baie; nenou sünasü malai louzü, ne lah vea-a bailai. 13Voyu naotumai lisü pai pouwe; puhsü tounü due alia hraolou sümoe.#9.13 Phoure 13 nahai Hebrew hi sheesha toumoe. 14Honapai nou puh kikhu bomü hinou bubaiwe, puhnou nuhdu vei buh kuyu kinou bua baiwe, 15takou takheyu maiye kuwe, lahvei ludu hinou züsha tea ta-a buyu maiye sü kuwe, 16“Chaomeh souyu maisü panou haihi talou khaio.” Voyu mai hisü honapai nou paoe, 17“Vao louyu dzü hai ke veiwe, alia kheikhei soua vaotouyu raokhao sü touveie.” 18Ana puhnou sühisü athai bue tiyu hai sümoe, alia honapai vei shemaitao hai rabedushao vei teikhai hi bue tiyu sümoe.
Currently Selected:
TSÜCHITAO 9: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
