TSÜCHITAO 27
27
1Dosho donou khaophu souso, daiolouzü dosho teithe dai-e vepalaisa touyu sü ne sümoe.
2Ne lah neye paosho moa mai kukhe liye moyuma vakoumai liye panou paosho-a baio.
3Chuh ali hai süh bue, vünai hai süwe, ana vomai linou lekha soupa peiyuo sühai jünou süpu hie.
4Rarou lekha payu hai zhaipou shisho-e; ana thaonou ngaoraiyu nghoujü hinou lalou süge?
5Dua nou züpeiyu nanou kheikhei soua leshi peiyu najünou veipu hie.
6Samai khamai nou zhizhu peiyuo veie; ana ngaobamai linou neye phaovoyu shodo ashi soulou veie, sünasü zhutou toulo!
7Pou phouyu mai nanou laivoudzüa thainülai moe, ana houa laiyu mai liwo khayu touso koutea touveisho-a bailai.
8Mailinou puh ki hinou tapayu hai raohou linou puh phe hinou tapayu büa baie.
9Theadzü alia poukai nüveidzü nou mai liye souva peiwe, ana veayu linou tsüle souphe peiwe.#27.9 Hebrew hi sheesha timoe.
10Nevei samai moyuma ne puo vei samai khamaiye ngaisouo. Nenou veahoyu teithe, ne thaihou-jürai mai ki hi hosouo. Hoshoa buyu nevei kityarai mai jünou nghiki nou buyu ne kinapa mai-a veipu hie.
11Tsüveilo anahna, alia ale sousava peio; sükulouzü mainou Eye paoshiyu phaki puletao hi Enou chila peilou bailai.
12Kaiyu mai linou kaozhou ashi zhingaoloua tarei talouwe; ana chaome souwo louzü sühi tapokou veahoyu dao-a baiwe.
13Shimoyu maili vei müpfü lailouzü, puhvei sabanü sü pokhailo, alia mai linou vakou maivei müpfü peilai#27.13 Larübvü ali hi vakou maivei müpfü peilai; Hebrew vakou maivei moa zhai-hrü shiyu naotumai livei müpfü peilai. toulouzü puh hi hanali nou poa chaachou soukhailo.
14Mai linou shohna nou kushu zhiloua puh kinapa maiye ha peiyu louzü chaa ali bübaie.
15Teirüyu phaki thaomoa dzü zhaotatayu ali hai züvei süyu naotuli sü raibüa baie. 16Honapaiye tukhayu hai teikhaiye nuchaolai tea teyu büa baie, mokhaia puh bah hinou theadzü polaiyu büa baie.#27.16 Hebrew hi sheesha toumoe.
17Hu linou ali hinou hei thaiwe, alia mai linou mai ali hinou doulouwe.
18Doube koyu mai nanou süna vei rashithou sü toulai, alia kilai mai linou puhvei paopu ye kikotou peiyu nasü tsükhou peiyu ngaolai.
19Dzü hinou lah zhu ngaolouyu büa maili vei tsüle nou maiye pongao peiwe.
20Athai maivei deiphao ae mai livei jüpayu hai raibüa baie, sühai hisü rukhayu akhai hae.
21Shahu alia sana hai mei nou dei zhuwe; alia maiye sü puhye paosho peiyu sünou poa zhuwe.
22Vomai liye daposhu thainono khaitouyuma puhvei voyu nasü puh hinou halai moe.
23Nenou soulou süyu koute soutaosoua nevei kikhaorü sü zhutou tilo, 24daiolouzü nangi hai teisa nou bulai moe, alia vepeirü hai-a khaphao teitei hi bukou telou moe. 25Poudai sailouyu thai, ashu nou lapa-a baiwe, alia deichitao phi hisü holou baiwe, 26zhaotu mainou poa sabanü soulai, alia nghitutao nou dou livei muh peilai. 27Nghitu kukhetao nou neye donou ae nevei kikha mai alia naotu kilai maitao donou naodzü peia kiko peilue.
Currently Selected:
TSÜCHITAO 27: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
